– Tað, at vit áseta eina øgiliga harða revsing fyri kartelvirksemi, undirbyggir álvaran í tí, sum lógin er ætlað til. Og tað halda vit er í lagi.
Soleiðis sigur Erhard Joensen, formaður í Vinnunevndini, sum júst hevur latið inn álit um uppskotið hjá Høgna Hoydal, landsstýrismanni í vinnumálum, um nýggja kappingarlóg í Føroyum.
Ein av ásetingunum í nýggja uppskotinum um kappingarlóg er, at revsingin fyri at føra kartelvirksemi skal kunna revsast við fongsulsrevsing í upp til eitt ár og seks mánaðir.
Eisini verður ásett, at fyritøkur, ið leggja saman, skulu rinda Kappingareftirlitinum eitt gjald fyri tað arbeiðið, ið Kappingareftirlitið skal gera í sambandi við samanleggingar millum feløg.
Trýst á pílin niðanfyri og hoyr samrøðuna við Erhard Joensen frá tíðindunum á FM1 á middegi í dag.
