Lurta eftir FM1 og Voxpop á netinum

Inter vinna fyrra dystin á San Siro

Uppgerðin um della Madonnina var í kvøld millum AC Milan og Inter Milan, ið spældu fyrsta hálvfinalu dyst í Champions League.

Bæði liðini deila sama leikvøll, men í fyrru hálvfinalu hevði AC Milan heimavøll á papírinum.

Seinast hesi bæði liðini møttust var tann 5. februar í ár, tá Inter Milan vann 1-0.

AC Milan var uttan áleyparan Rafael Leao, ið hevur verið teirra profilur í ár við 13 málum í 32 dystum. Tí var belgiski Alexis Saelemaekers valdur á hansara pláss, saman við Oliver Giroud og Brahim Diaz í álopinum.

Inter Milan stillaðu upp einari 3-5-2 formatión við Edin Dzeko og Lautaro Martinez í álopinum.

Longu eftir 7 minuttir legði fyrrverandi Manchester City leikarin Edin Dzeko teir bláu á odda, við einum hornasparki úr vinstru síðu av Hakan Calhanoglu.

Tað skuldi ikki ganga longri enn 3 minuttir, tá ið bólturin aftur lá í netinum hjá málverjanum Mike Maignan. Hesuferð bleiv Henrikh Mkhitaryan spældur leysur og økti um støðuna til 2-0.

Eitt ivamál um brotspark var í dystinum, tá ið argentinski Lautaro Martinez bleiv hildin av danska Simon Kjær. Men dómarin Jesus Gil broytti sína avgerð aftaná hava hugt eftir VAR skerminum.

Dysturin endaði 2-0 til Inter Milan.

AC MilanHagtølInter Milan
57Possession %43
2Skot á mál5
14Skot í alt18
1,00xG (Expected goals)1,91
86Rættar avlevering í %81
399Avleveringar295
17Taklingar14
8Klearingar17
2Horna3
2Offside2
2Gul kort1
0Reyð kort0
14Brot frammt16
Kelda – Champions League og xgscore

Seinna hálvfinalan ímillum hesu bæði liðini verður spæld týsdagin tann 16 mai.

Les eisini...  Fyrsta landsliðsmálið hjá undurbarninum

Hin hálvfinalan millum Real Madrid og Manchester City bleiv spæld ígjár, úrslitið bleiv 1-1. Málini gjørdu Vinicius Junior og Kevin De Bruyne.