Tilsamans 281 nýggj lesandi eru byrjað á Fróðskaparsetri Føroya í ár, og á stóru lestrarbyrjanini, sum var í gjár, høvdu 256 sín fyrsta dag á Fróðskaparsetrinum

By Sigurjón Einarsson 22/08/2023

Nýggi rektarin á Setrinum, Martin Tvede Zachariasen, tók við rektarastarvinum við ársbyrjan. Hann heldur, at tvær tær stuttligastu uppgávurnar í starvinum eru at bjóða nýggjum lesandi vælkomnum og at handa teimum prógv við stóru prógvhandanina, sum hann gjørdi á fyrsta sinni í summar í Norðurlandahúsinum (Mynd: setur.fo)

Nógv nýggj lesandi vóru møtt upp í Sjóvinnuhúsinum – í Kongshøll – í gjár, har Fróðskaparsetur Føroya eisini heldur til.

256 lesandi á 20 útbúgvingum høvdu sín fyrsta dag, har tey fingu lestrarkort og góð vælkomuorð og tónleik í Kongshøll, áðrenn tey fóru út á sínar egnu deildir, har tey eisini hava innleiðslur hesa vikuna, skrivar heimasíðan hjá Fróðskaparsetrinum.

Í ár fer Námsvísindadeildin á fyrsta sinni at hava tveir flokkar av námsfrøðingum, nú samfelagsligi tørvurin á teimum er so stórur. Tilsamans 44 námsfrøðilesandi eru í 2023-árganginum.

25 nýggj sjúkrarøktarfrøðilesandi byrjaðu eisini í gjár, og aftrat hinum 25, sum byrjaðu í januar, er tann árgangurin sostatt 50.

Á spildurnýggju útbúgvingini, master í Dátuvísindum, fara 17 lesandi nú til verka.

Ársins umsóknartøl og tøl fyri tey, sum eru byrjað á teimum ymisku útbúgvingunum, eru her: