Í gjár var ein familja farin ein túr niðan á Klakk, sum er ein farleið, ið er nógv vitjað.
Men ólukkutíð kom mjørkin á tey, áðrenn tey vistu av, og tað hevði millum annað við sær, at tíggju ára gamla dóttirin bleiv burtur í mjørkanum.
Hetta var um 13-tíðina seinnapartin.
Tað skrivar dimma.fo.
Ringt varð til løgregluna, tí tey vóru stúrin um gentuna. Øll tilbúgvingin var sett í verk beinavegin, men lukkutíð bleiv gentan funnin aftur, áðrenn leitingin byrjaði.
Familjan hevði hoyrt ungu gentuna rópt í mjørkanum og funnu hana aftur í øllum góðum, tí ringdi pápin aftur til løgregluna – gott og væl ein hálvan tíma seinni – at boða frá, at tey høvdu funnið tíggju ára gomlu dóttrina aftur og at alt stóð væl til.
