Privata kortnýtslan hjá føroyingum higartil í ár er so at siga óbroytt samanborið við fyrra hálvár í fjør.
Tað vísir ein nýggj uppgerð frá Landsbankanum.
Hetta bendir á, at privata nýtslan stórt sæð eisini er óbroytt, sigur Landsbankin.
Hinvegin vístu hagtølini fyri kortnýtslu frároknað prísvøkstur, at føroyingar keyptu minni av vørum og tænastum í seinna hálvári í 2022 samanborið við seinna hálvár í 2021, og allarhelst er hetta ein avleiðing av øktum prísum, sigur Landsbankin.
Tøl fyri kortnýtsluna hjá føroyingum í útlondum vísa, at nýtslan hjá húsarhaldum í útlondum hevur verið eins stór á sumri í ár sum í fjør, og hetta bendir á, at húsarhaldini hava gott treysti hóast alt, sigur Landsbankin.