Føroyska kvinnulandsliðið í fótbólti hevur enn fyrstu stigini til góðar í UEFA Nations League kappingini, nú fjórði dysturin er á skránni í dag, týsdagin.
Liðið hevur spælt móti Montenegro og Aserbadjan á heimavølli og móti Kýpros á útivølli. Í øllum trimum dystunum hevur talan verið um tepur tap, og tí er tað eitt sera svangt lið, sum ætlar sær øll trý stigini til dystin móti Kýpros í morgin.
Signe Pries Andersen, landsliðsvenjari, letur væl at fyrireikingunum.
– Vit hava verið nær við at vinna stig í hinum dystunum, og serliga fríggjadagin helt eg at vit høvdu uppiborðið meira. Vit hava lagt nógv arbeiði í at blíva betri á síðsta triðinginum, og so trúgva vit uppá, at tað arbeiði fer at løna seg í morgin. Vit taptu 1-0 niðri á Kýpros, so vit vita at tað saktans kann koppa okkara veg, men at tað krevur grót hart arbeiði, sigur hon við heimasíðuna hjá FSF.
Dysturin millum Føroyar og Kýpros byrjar í kvøld klokkan 18.
Atgongumerki kunnu keypast í Nethandlinum hjá FSF.fo.
Kelda: Jakoba Svensdóttir/fsf.fo
