Lurta eftir FM1 og Voxpop á netinum

Framdi herverk inni hjá ungari kvinnu

Maðurin var drukkin og frá sær sjálum

Í gjárkvøldið – beint fyri midnátt – varð ringt til løgregluna at boða frá, at ein maður var frá sær sjálvum, tá hann var komin á vitjan hjá ungari kvinnu í Havn.

Hví og hvussu vita vit ikki, men maðurin byrjaði at sorla ting inni í bústaðnum hjá kvinnuni, har hann millum annað breyt eitt stórt fiskaakvarium, so bæði fiskar og vatn endaði á gólvinum hjá kvinnuni.

Tá løgreglan kom á staðið var gjørt av at sløkkja rele´ið í húsinum, tí vandi var fyri skammlopi vegna nógva vatnið.

Maðurin varð tikin við á løgreglustøðina, har hann slapp at sova rúsin av sær, áðrenn hann skuldi avhoyrast, tá hann vaknaði í morgun, greiðir vaktleiðarin á løgreglustøðini frá.