Triðja viðgerð um fíggjalógaruppskotið fyri 2024 hjá landsstýrinum verður í løgtinginum í dag.
Løgtingsfundurin skuldi eftir ætlan byrja klokkan 10 í morgun, men tingfundurin er fyribils útsettur til klokkan 11.30, tí tað eru so nógv broytingaruppskot á skránni.
Uppskotið um fíggjarlóg fyri komandi ár var annars samtykt við aðru viðgerð hósnáttina. Tá atkvøddu 16 fyri og 14 ímóti. Henrik Old í Javnaðarflokkinum atkvøddi blankt.
