Eftir at Sigurd L. Lamhauge hevur sagt seg úr starvi sum stjóri á Landsverki, so hevur Fiskivinnu- og samferðslumálaráðið tikið avgerð um at seta Marjun Weihe Thomassen, sum er fíggjarleiðari á Landsverki, sum virkandi stjóra, inntil starvið er sett av nýggjum.
Tað skrivar Fiskivinnu- og samferðslumálaráðið á heimasíðu sínari.
– Farið verður beinanvegin undir at fyrireika eina tilgongd at seta nýggjan stjóra á Landsverki, skrivar ráðið.