Hetta er við tiltaki, sum skuldi havt verið síðsta heyst, men sum var útsett vegna veður.
Tað verða tvey tiltøk á skránni í morgin, mikudagin 6. mars. Tað fyrra verður klokkan 12 á Miðnámsskúlanum í Suðuroy, og seinna tiltakið verður klokkn 19 í Miðlatúni í Vági.
Tað skrivar Granskingarráðið á heimasíðu sínari.
Á skránni verða tríggjar framløgur, sum hvør verður umleið 20 minuttir til longdar.
Framløgurnar verða hesar:
Granskingargrundað rørsluátak í fólkaskúlanum í Suðuroy
Helgi Winther Olsen, Fróðskaparsetrið
Alduorka í Føroyum
Bárður Joensen, Fróðskaparsetrið
Ein kanning um, hvussu føroyingar, sum hava hjálpartól, uppliva hjálpartólatænastuna
Turið Jacobsen, gestagranskari, Fróðskaparsetrið
Granskingarráðið skrivar, at øll tiltøkini eru almenn og ókeypis.
