Líka løn, javnari býti af barsburðarfarloyvi, góðir dagstovnar, útbúgving og jøvn politisk umboðan, vóru nakrar av teimum loysnunum, sum ministararnir vístu á, eru neyðugar at raðfesta í arbeiðinum fram móti betri javnstøðu.
Javnstøða kemur búskapinum, børnunum, trivnaðinum og samfelaginum sum heild til góðar.
Umframt at hava tikið lut í norðurlendskum pallborði, hevur Sirið Stenberg, landsstýriskvinna, havt fleiri fundir og verið til fleiri tiltøk.
Í norðurlendska pallborðinum vísti Sirið m.a. á, at í Føroyum er stór lønargjógv í inntøkuni hjá kvinnum og monnum.
Sirið saman við norðurlendsku javnstøðuministarunum og Sima Sami Bahous, UN Women Executive Director, sum høvdu fund sunnukvøldið.
Sirið á fund við danska og grønlendska javnstøðuministarnar, Marie Bjerre og Naaja Nathanielsen.
Sirið og Naaja eftir fundin mánamorgunin, um felags avbjóðingar á javnstøðuøkinum.
Sirið, Naaja, Marie saman við Karen Ellemann, forkvinna í Norðurlendska ráðharraráðnum.
Kelda: Almanna- og mentamálaráðið