Fyri løtu síðan sást nógvur roykur koma frá einum akfari, sum stendur við busslummanum beint uttanfyri Kollfjarðartunnilin.
Eftir at akfarið hevði brent eina løtu, hoyrdu fólk, sum stóðu á kaiini í Kollafirði, eina spreinging frá hesum sama akfari.
–Tað er eldur í einari gravkúgv beint uttanfyri Kollfjarðatunnilin. Vit hava spert ferðsluna av, so eldurin kann sløkkjast, men tað er eingin vandi á ferð av spreingingunum, sum hava verið, tí tað eru dekkini, sum bresta av hitanum, sigur vaktleiðarin hjá Føroya Politi.
Vaktleiðarin sigur, at sløkkiliðið hevur tamarhald á støðuni.
Her er eitt videobrot, tá ein lítil spreinging júst hevur verið, og tað eru altso dekkini, sum bresta, sambært vaktleiðaranum hjá Føroya Politi: