Verkfallið hjá arbeiðarafeløgunum er hert í morgun.
Millum 70 og 80 fólk eru í morgun stødd á Sundi við tí endamáli at forða fyri, at til ber at koyra asfalt út frá asfaltverkinum har.
Útvarpið er á staðnum og við útvarpið segði Georg Hansen, formaður í Føroya Arbeiðarafelag, at tey meta tað sum verkfalsrakt arbeiði at asfaltera.
Tey meta eisini, at nógv asfaltarbeiði verður gjørt kring landið í hesum døgum og kanska serliga tí vit fáa konshjúnini á vitjan.
Tí steðga tey útkoyringini av asfalti.
Arbeiðarafelagøini hava boðað frá, at fleiri og fleiri tiltøk verða sett í verk, so hvørt sum tíðin gongur.
Á midnátt í annaðkvøld fer eisini Havnar Arbeiðskvinnufelag í verkfall
