Bara tvinnar sluppir eru eftir av teimum meira enn 100 sluppunum, ið føroyingar keyptu úr Bretlandi frá 1870–unum og fram. Onnur er Johanna í Vági, við havnakenningartekni TG 326, og hin er Westward Ho í Havn við havnakenningartekni TN 54, sum liggur við Høgu kai, tá hon ikki er úti á onkrum túri.
Síðan 2009 hevur Jens Marius Poulsen verður knýttur at Westward Ho, har hann brúkar nógvar tímar upp á “gomlu damuna”, sum hann málber seg.
Gjøgnum summarið eru nógv tiltøk umborð, ið byrja í mai mánað á hvørjum ári, tá barnagarðsbørn sleppa umborð at síggja og hoyra um sluppina. Eisini verður skipað fyri fiskikapping umborð á sluppini fyri skúlabørnum.
Í juli mánað í fjør varð Westward Ho leigað til at sigla av Sørvági og út til Drangarnar og Tindhólm. Túrarnir, við íblástri úr filminum ‘Peter Pan & Wendy’, har Tindhólmur er karmur um Neverland vóru ógviliga væl umtóktir, og tað endaði eisini við, at tiltakið ‘Við Peter Pan til Neverland’ varð kosið Ársins nýbrot 2023 av Ferðavinnufelagnum.
Í ár verður hetta tiltakið endurtikið í døgunum frá 24. juni til 7. juli, har undirhald verður fyri børnum og barnsligum sálum.
Hoyr samrøðu við Jens Marius Poulsen og Siri Súsonnudóttir Hansen frá Seatravel her:
Til ber eisini at vinna tvey atgongumerki til vaksin og tvey atgongumerki til børn við at svara upp á spurningin, hvussu heimasíðan eitur, har til ber at keypa atgongumerki til túrin “Við Peter Pan til Neverland”.
Send svarið inn til 559999.
Kappingin endar klokkan 16 í morgin, fríggjadagin 31. mai.
