Tú hevur óivað roynt tað, tá tú skalt upp í roynd ella próvtøku ella til starvssamrøðu. Tú hevur ilt við at sovna kvøldið fyri, og á degnum, tá ið tú skalt upp, eru lógvarnir vátir, og hjartað dukar títtari enn vanligt. Tú hevur kanska ilt í búkinum og mást á vesið oftari enn vanligt, áðrenn tú fert heimanífrá.
Nógv líða av próvtøkuangist, og um skamma stund stendur tann tíðin fyri durunum, har ungfólk í hópatali skulu vísa lærarum og próvtøkudómarum, hvat tey hava lært farna skúlaárið.
Men nú er hjálp at heinta, um ein hevur próvtøkuangist.
Mindhelper, sum fimm regiónir í Danmark reka, hevur framleitt appina Ro, ið hjálpir tær við alt frá trupulleikum í gerandisdegnum til harðar tíðir.
Appin er ókeypis og hevur ikki bert venjingar, sum hava til endamáls at basa próvtøkuangist. Hon kann eisini vera ein hjálp móti strongd og stúranum.
Kelda: Skúlablaðið ogdr.dk