Tað verður ein nýggjur veitari, sum fer at selja salt á Toftum komandi tíðina.
Higartil hevur MJ Saltsølan veitt salt til virkir í Føroyum úr einum goymslubygningi á havnalagnum á Toftum.
Men hetta broytist nú.
Eitt noskt dótturfelag í Føroyum hevur leigað goymslubygningin og fer í komandi tíðum at veita salt til føroyskar framleiðarar.
Norska felagið eitur Saltimport og selir salt úr Yunis til marknaðin í Føroyum.
Tað er norska fyritøkan, sum innflytur salt til Føroya, men tað verður fyritøkan Thomsen, sum fer at standa fyri útkoyringini og øðrum praktiskum í sambandi við saltsøluna á Toftum.
Fyrsta lastin við salti var løgd upp á Toftum í farnu viku.
