Stórur áhugi er fyri at fara á Summar Festivalin, sum í ár hevur 20 ára jubileum.
Økið á Vágsbøði í Klaksvík, har Summarfestivalurin vanliga er hildin, er nakað minni orsakað av bygging í økinum, og tað hevur við sær, at í mesta lagi 8.000 fólk sleppa á Summar Festivalin í ár.
Summar Festivalurin boðar frá, at bert 1000 vikuskiftispass aftrat verða seld í forsølu.
Afturat tí verður eitt avmarkað tal av dagsbillettum sett til sølu. Hesar billettir kunnu bert keypast við inngongdina á sjálvum degnum.
Á Summar Festivalinum í ár spæla eitt nú Olly Murs, Uriah Heep, Faustix, Paul Watchorn, Lena Anderssen, Dynamit, Dania O. Tausen, RSP, Frændur og fleiri.