21 ára gamli maðurin skal í nevningarting í Føroya rætti mánadagin 2. septembur.
Allir dagarnar í tí vikuni eru avsettir til nevningarting.
Nevningarting merkir, at ákæruvaldið krevur minst 4 ára treytaleysa fongsulsrevsing.
Maðurin, sum bleiv tikin í oktobur mánaða í fjør, hevur sitið í varðhaldi síðan tá. Í síðstu viku avgjørdi rætturin at maðurin skuldi sita í varðhaldi í 4 vikur afturat.
Maðurin er ákærdur fyri fleiri neyðtøkur, hvussu nógvar vil ákæruvaldið ikki siga, eiheldur nær og hvar neyðtøkurnar eru framdar.
Maðurin noktar seg sekan.