Mánamorgunin klokkan 10 sendir FM1 beinleiðis frá tíðindafundinum í FSF-húsinum, har A-landsliðsvenjarin, Håkan Ericson og U21-landsliðsvenjarin, Eyðun Klaksstein kunngera hóparnar, ið skulu spæla dystir í Nations League og í EM-undankappingini. Rúni á Reynatrøð verður reportari hjá FM1.
A-landsliðið møtir Norðurmakedonia á heimavølli, leygardagin 7. september klokkan 14, og Lettland á útivølli, týsdagin 10. september klokkan 17. Hósdagin 5. september klokkan 16 spælir U21-landsliðið móti Kroatia á útivølli, og týsdagin 10. september klokkan 17.30 møta teir Grikkalandi á heimavølli.
