Hagstovan er komin við nýggjastu fólkatølunum, og 1. novembur búðu 54.648 fólk í Føroyum, sum er ein vøkstur á 250 fólk samanborið við sama tíðarskeið í fjør, svarandi til ein vøkstur á 0,5%. Tað er tó ein lægri vøkstur enn undanfarna tíðarskeið, har vøksturin var 0,8%.
Hóast fólkatalið veksur, er vøksturin minkandi. Seinastu tólv mánaðirnar vaks fólkatalið við 250 fólkum, samanborið við 450 fólk í undanfarna tíðarskeiði og 800 fólk fyri fimm árum síðani. Minni burðaravlop og lægri nettoflyting hava minkað um vøksturin.
Tórshavnar, Runavíkar, Nes og Vága kommunur vuksu mest, meðan afturgongd var í Vágs, Eiðis og Sunda kommunum. Burðaravlopið minkaði, serliga tí færri børn vórðu fødd, meðan nettoflytingin eisini minkaði vegna minni tilflyting til Føroya.
Verður hugt at einstøku bygdunum og býunum, er størsti vøksturin í størstu kommununum, við størri broytingum í Tórshavn, Argjum, Hoyvík, Saltangará, Skála, Toftum og Miðvági.
Trendarnir vísa, at gongdin í føðitalinum heldur fram at minka, meðan deyðatalið er støðugt. Tilflytingin minkar meira enn fráflytingin, sum leiðir til minni nettoflyting. Høvuðsorsøkin er, at færri uttan bústaðartilknýti til Føroya fluttu til landið.
Fólkatalið frá 1985 til 2024
Deil á Facebook
