Føroyskir innirógvarar nógv heiðursmerki í Danmark

Í dag hava tólv føroyskir ungdóms- og tveir vaksnir rógvarar, róð í kappingini um danska meistaraheitið í inniróðri.Kappingin var í Gladsaxe Sportshaller.

Føroysku rógvarnir kappaðust á 27 av tilsamans 612 setrunum, sum róðu í kappingini. Føroysku innirógvararnir vunnu 24 heiðursmerki.

Fyrrapartin var kappast í longru teinunum, og seinnapartin vóru liðkappinar og sprintkappingar.

Fyrrapartin fingu allir føroysku rógvararnir heiðursmerkið um hálsin, og seinnapartskappingarnar stóðu onki aftanfyri.

• Fyrrapartin vann Sarita Kristina Hansen lættvektsbólkin 30-39 ár við tíðini 7:25.4. Hetta er danskt met í hesum bólkinum.
• Sarita vann eisini lættvektsbólkin 30-39 ár í 500m við tíðini 1:40.4.
• Jógvan vann U12 dreingir við 460m
• Natasja vann U13 gentur við 498m
• Martin vann U13 dreingir við 534m
• Sirið vann U14 gentur við 761m
• Victoria bleiv nr. 2 í U14 gentur við 744m
• Arnar bleiv nr. 2 í U14 dreingir við 819m
• Føroysku rógvararnir róðu seg til 1, 2 og 3 pláss í U16 gentur.
• Petra vann við tíðini 7:45.9, sum er persónligt met.
• Kristvør bleiv nr 2 við tíðini 7:48.2, sum er persónligt met
• Vár bleiv nr 3 við tíðini 7:54.9
• Rúnar vann U16 dreingir við tíðini 6:43.0, sum er persónligt met.
• Teitur bleiv nr 2 í bólkinum U17 dreingir við tíðini 6:36.2, sum er persónligt met.
• Pauli bleiv 2. pláss í U18 bólkinum við tíðini 6:24.2, sum er personligt met.
• Seinnaparturin byrjaði við, at Natasja, Martin og Jógvan róðu 100 metur sprint í U13 bólkinum. Tey blivu nr 1, 1 og 2.
• Síðani róðu Sirið, Victoria og Arnar í U15 sprint á 200 metur. Tey blivu nr 2, 1 og 4.
• Seinni U17 við 200 metur sprint, har Petra, Vár, Kristvør, Rúnar og Teitur luttóku. Tey blivu nr 2, 1, 9, 3 og 7.
• At enda róðu Pauli og Vár Guriardóttur Hansen. Tey blivu nr. 2 og 1

Ein sera góður dagur, har føroysku rógvararnir enn einaferð prógvaðu, at teir hoyra heima í altjóða inniróðra elituni.

Zoe E. Dickson og Símun Tórur Joen-Jacobsen fingu eisini góð úrslit. Tey eru í lestrarørindum í Danmark og kappast tískil í donskum feløgunum.

Ulrik Andersen, sum hevur teknisku ábyrgdina av øllum kappingum hjá Róðrarsambandinum, var eisini við í dag. Hann hjálpi fyriskiparunum og Concept2 at avgreiða tann tøkniliga partin av kappingini.