Manchester City er í stórum trupulleikum í Champions League, eftir at teir í gjárkvøldi mistu eina 2-0 leiðslu móti PSG. City misti alt á gólvið og tapti 4-2. Stóri leikarin var Ousmane Dembele hjá PSG.
Jack Grealish skoraði fyrsta málið fyri Manchester City. Erling Haaland økti um leiðsluna. So kom Ousmane Dembele inn og vendi dystinum. Fyrst skoraði hann sjálvur. Síðan javnaði Bradley Barcola, áðrenn Joao Neves skoraði triðja málið hjá PSG. Goncalo Ramos staðfesti sigurin við fjórða málinum hjá PSG.
City má vinna seinasta dystin í stóra bólkaspælinum móti Club Brugge fyri at hava nakra møguleika at koma víðari.
Liverpool og Barcelona tryggjaðu sær fyrrakvøldið víðari lutøku í áttandapartsfinalunum í Champions League. Liverpool vann trygt 2-1 á Lille á heimavølli við málum frá Mohamed Salah og Harvey Elliott. Hetta hevur tryggjað teimum ein framúr góða plássering til komandi umførini.
Barcelona van ein hendingaríkan 5-4 sigur á Benfica. Katalanska stórfelagið var aftanfyri 4-2, tá ið eitt gott korter manglaði. Men við einum ordiligum endaspurti skoraðu Robert Lewandowski, Eric Garcia og Raphinha og tryggju Barcelona pláss í avgerandum dystunum í Champions League.
Real Madrid hevur seinastu dystirnar funnið á rætta lagið, og vann í gjár greiðan sigur móti Salzburg. Rodrygo og Bellingham vóru teir stóru leikararnir í hesum dystinum. Hóast teir ikki eru heilt ovarligaa stigatalvuni, so er eingin orsøk til at útiloka Real Madrid, tí um nakar dugir at spæla Champions League, so eru tað teir kongaligu úr Madrid.
Atletico Madrid vísti enn einaferð stríðsvilja, tá ið teir við tíggju monnum vendu dystinum móti Bayer Leverkusen. Julian Alvarez var høvuðsmaður við tveimum málum, tað seinna í yvirtíðini.
Borussia Dortmund hevur tað trupult fyri tíðina og tapti 2-1 móti Bologna. Hóast teir byrjaðu væl við einum máli frá Serhou Guirassy, so vendi Bologna dystinum. Í gjár varð venjarin hjá Dortmund, Nuri Sahin, sendur til hús.
Skotska stórfelagið Celtic hevur tryggjað sær eitt pláss í avgerandi dystunum eftir ein dramatiskan sigur móti Young Boys.
Í komandi viku verður seinast umfarið í stóra bólkaspælinum í Champions League spælt, og nógv stendur upp á spæl. Flestu liðini uttan Liverpool og Barcelona hava nógv at spæla um. Átta tey ovastu liðini koma beinleiðis víðari til áttandapartsfinalurnar, meðan liðini frá 9. til 24. pláss, skulu spæla móti hvør øðrum, um seinastu átta plássini í áttandapartsfinalunum.
Champions League – Úrslit í 7. umfari
Týsdagin
- Atalanta – Sturm Graz 5 – 0
- Monaco – Aston Villa 1 – 0
- Atlético Madrid – Bayer Leverkusen 2 – 1
- Benfica – Barcelona 4 – 5
- Bologna – Borussia Dortmund 2 – 1
- Club Brugge – Juventus 0 – 0
- Crvena Zvezda – PSV Eindhoven 2 – 3
- Liverpool – Lille 2 – 1
- Slovan Bratislava – Stuttgart 1 – 3
Mikudagin
- RB Leipzig – Sporting CP 2 – 1
- Shakhtar Donetsk – Brest 2 – 0
- Arsenal – Dinamo Zagreb 3 – 0
- Celtic – Young Boys 1 – 0
- Feyenoord – Bayern München 3 – 0
- Milan – Girona 1 – 0
- Paris Saint-Germain – Manchester City 4 – 2
- Real Madrid – RB Salzburg 5 – 1
- Sparta Praha – Inter 0 – 1
Champions League – Stigatalva
| K | S | U | T | Mál | Stig | ||
|---|---|---|---|---|---|---|---|
| 1 | Liverpool | 7 | 7 | 0 | 0 | 15 – 2 | 21 |
| 2 | Barcelona | 7 | 6 | 0 | 1 | 26 – 11 | 18 |
| 3 | Arsenal | 7 | 5 | 1 | 1 | 14 – 2 | 16 |
| 4 | Inter | 7 | 5 | 1 | 1 | 8 – 1 | 16 |
| 5 | Atlético Madrid | 7 | 5 | 0 | 2 | 16 – 11 | 15 |
| 6 | Milan | 7 | 5 | 0 | 2 | 13 – 9 | 15 |
| 7 | Atalanta | 7 | 4 | 2 | 1 | 18 – 4 | 14 |
| 8 | Bayer Leverkusen | 7 | 4 | 1 | 2 | 13 – 7 | 13 |
| 9 | Aston Villa | 7 | 4 | 1 | 2 | 9 – 4 | 13 |
| 10 | Monaco | 7 | 4 | 1 | 2 | 13 – 10 | 13 |
| 11 | Feyenoord | 7 | 4 | 1 | 2 | 17 – 15 | 13 |
| 12 | Lille | 7 | 4 | 1 | 2 | 11 – 9 | 13 |
| 13 | Brest | 7 | 4 | 1 | 2 | 10 – 8 | 13 |
| 14 | Borussia Dortmund | 7 | 4 | 0 | 3 | 19 – 11 | 12 |
| 15 | Bayern München | 7 | 4 | 0 | 3 | 17 – 11 | 12 |
| 16 | Real Madrid | 7 | 4 | 0 | 3 | 17 – 12 | 12 |
| 17 | Juventus | 7 | 3 | 3 | 1 | 9 – 5 | 12 |
| 18 | Celtic | 7 | 3 | 3 | 1 | 11 – 10 | 12 |
| 19 | PSV Eindhoven | 7 | 3 | 2 | 2 | 13 – 10 | 11 |
| 20 | Club Brugge | 7 | 3 | 2 | 2 | 6 – 8 | 11 |
| 21 | Benfica | 7 | 3 | 1 | 3 | 14 – 12 | 10 |
| 22 | Paris Saint-Germain | 7 | 3 | 1 | 3 | 10 – 8 | 10 |
| 23 | Sporting CP | 7 | 3 | 1 | 3 | 12 – 11 | 10 |
| 24 | Stuttgart | 7 | 3 | 1 | 3 | 12 – 13 | 10 |
| 25 | Manchester City | 7 | 2 | 2 | 3 | 15 – 13 | 8 |
| 26 | Dinamo Zagreb | 7 | 2 | 2 | 3 | 10 – 18 | 8 |
| 27 | Shakhtar Donetsk | 7 | 2 | 1 | 4 | 7 – 13 | 7 |
| 28 | Bologna | 7 | 1 | 2 | 4 | 3 – 8 | 5 |
| 29 | Sparta Praha | 7 | 1 | 1 | 5 | 7 – 19 | 4 |
| 30 | RB Leipzig | 7 | 1 | 0 | 6 | 8 – 14 | 3 |
| 31 | Girona | 7 | 1 | 0 | 6 | 4 – 11 | 3 |
| 32 | Crvena Zvezda | 7 | 1 | 0 | 6 | 12 – 22 | 3 |
| 33 | Sturm Graz | 7 | 1 | 0 | 6 | 4 – 14 | 3 |
| 34 | RB Salzburg | 7 | 1 | 0 | 6 | 4 – 23 | 3 |
| 35 | Slovan Bratislava | 7 | 0 | 0 | 7 | 6 – 24 | 0 |
| 36 | Young Boys | 7 | 0 | 0 | 7 | 3 – 23 | 0 |
Deil á Facebook
