Nýggju ymiskar verkætlanir verða við í Closed for Maintenance fyrst í mai. Átakið leggur dent á at umvæla og tryggja gøtur og bygdagøtur, so bæði ferðafólk og innbyggjarar kunnu njóta náttúru og mentan á einum lættari og tryggari hátt.
Verkætlanirna, sum eru við í ár, eru fjølbroyttar.
Ein av verkætlanunum er í Leynum, har gøtan millum Leynar og Oyggjarvegin verður drenað og umvæld.
Í Gjógv verður gøtan fram við gjónni og niðan á Ovara Næsa umvæld.
Í Skopun verður ein nýggj lendisgøta gjørd, ið skal gera Norðaravatn lættari atkomiliga.
Í Koltri verður søguligi Eiðisdammurin endurskapaður í samstarvi við Tjóðsavnið.
Í Bø verður eitt øki í bygdini gjørd hugnaligari og meir atkomiligt fyri bæði bygdarfólk og gestir.
Í Trongisvági verður gøta gjørd til ein foss, við eini hvíldarstaði á vegnum.
Í Nólsoy verður túrurin út á Borðuna bøttur við trinum og drening.
Í Gøtu verður leiðin niðan á Støðlafjall og Fransaholuna merkt og gjørd tryggari.
Til seinast skal bygdagøtan til Kirkjubøar úr Tórshavn bøtast og haldast í upprunaligum dámi.
Closed for Maintenancevar fyrstu ferð varð hildið í 2019. Samanlagt hava 36 verkætlanir verið partur av tiltakinum, og meira enn 500 fólk úr 40 londum hava verið við.
Deil á Facebook
