HR í Føroyum hevði ársaðalfund á Hotel Brandan í gjárkvøldið. Nevndin hevur nú skipað seg av nýggjum eftir fundin.
Fýra nevndarlimir stóðu fyri vali: Rasmus Nolsøe, Sonny Joensen, Guðrun Poulsen og Beinta Wilhelm. Rasmus og Sonny tóku við afturvali, meðan Guðrun og Beinta takkaðu fyri seg. Í teirra stað vórðu Rannvá Justinussen og Hanna Nónstein valdar inn í nevndina.
Nevndin hevur nú skipað seg soleiðis:
- Rasmus Nolsøe, formaður
- Alexandra á Dul, næstforkvinna
- Bára Gásadal, kassameistari
- Sonny Joensen, skrivari
- Rannvá Justinussen, nevndarlimur
- Hanna Nónstein, nevndarlimur
HR stendur fyri fyri Human resources, sum kann umsetast til starvsfólkatilfeingi.
HR í Føroyum er eitt áhugafelag, ið røkir áhugamálini hjá HR-leiðarum, ráðgevum og øðrum, sum starvast innan HR. Felagið arbeiðir fyri at varpa ljós á nútímans og munadygt HR-arbeiði í Føroyum og skapar eitt forum fyri fakligt samskifti og íblástur.
Deil á Facebook
