Føroyar eru rímiliga væl førar fyri at handfara flest allar vanlukkur. Men spurningurin er, um vit megna heilt stórar tilburðir – til dømis við stórum ferðamannaskipum.
Landsstýrismaður Bjarni Kárason Petersen hevur svarað fyrispurningi frá Jóhannis Joensen, løgtingsmanni fyri Javnaðarflokkin.
Sambært Vørn vóru 44 leitingar og bjargingar (SAR‐tilburðir) í fjør, og 39 í 2023.
Bjarni Kárason Petersen minnir á, at “Føroyar hava avtalur við grannalondini um hjálp”, sum gevur landinum stuðul til stórar bjargingarátøk á sjógvi.
Ítøkiliga hendir nógv í tilbúgving á landi, og oljutangarnir til bjargingartyrlurnar eru útbygdir eftir ætlan, soleiðis at vit kunnu takla vanlukkur bæði á landi og sjógvi.
Landsstýrismaðurin hevur eisini givið boð, at ein váðameting skal gerast fyri Føroyar og arbeiðir við einari nýggjari kreppustýringarætlan, sum skal siga, hvussu fólk og myndugleikar í operativum, taktiskum og politiskum stigi skulu arbeiða, tá ið størri tilburðir gera tað neyðugt í okkara samfelag.
Deil á Facebook
