Í dag 12. juni fer eitt ferðalag frá Parasport á flog, og liggur leiðin til Berlin at luttaka í heimsins størsta inklusiva ítróttartiltaki, Special Olympics World Games Berlin 2023.
Umleið 7.000 ítróttarfólk frá 190 londum skulu kappast í 26 ítróttargreinum hesar níggju dagarnar sum leikirnir vara.
Special Olympics World Games er ikki einans ein ítróttarkapping, men eisini ein stevna ið gevur fólki við menningartarni innlit í mentan og livihátt hjá vertslandinum. Tí gongur leiðin fyrst til Wilhelmsdorf í suðurtýsklandi, har ferðalagið skal verða tveir dagar og uppliva býin og umráðið kring Wilhelmsdorf.
Hósdagin 15. juni gongur leiðin til Berlin, har leikirnir verða hildnir.
Tey 12 Special Olympics ítróttarfólkini ið skulu luttaka í seks ítróttargeinum, umboðandi Føroyar eru:
Svimjing: Hóri Hemmingson og Jórun Mai Smith.
Frælsur ítróttur: Meiken Olsen
Boccia: Eli Olsen og Martha Hansen
Borðtennis: Tummas Wilhelm og Unn Mortensen
Bovling: Alexander Mittún Darvishi og Durita Strøm
Fimleikur: Jenny Thomsen, Súsanna Johannesen og Eyð Patursson
Øll hava tey vant miðvíst fram til leikirnar. Leikirnir byrja við einum braki av setan 17. juni.
Kappingarnar verða 18.-24. juni, og kemur ferðalagið heimaftur til Føroyar 26. juni.
