Fyri 33 árum síðani var Knudsen í málinum. Men tíðirnar broytast, og tað sæst eisini aftur á føroyska manslandsliðnum. Nú vit skriva 2023, verður Knudsen ikki í topphúgvu, men upp í topp, tí hann byrjar uppi í álopinum.
Håkan Ericson, A-landsliðsvenjarin hjá monnum hevur sett liðið, ið byrjar á vøllinum í EM-undankappingardystinum móti Kekkia, sum verður á Tórsvølli í kvøld klokkan 19:45.
Talan verður um eina 5-4-1-spæliskipan.
Teitur Gestsson verður í mál, og verjuna manna Gilli Sørensen, Odmar Færø, Heini Vatnsdal, Gunnar Vatnhamar og Viljormur Davidsen, ið eisini er liðskipari. Á miðvøllinum frá byrjan vera Jóannes Bjartalíð, René Shaki Joensen, Jákup Andreasen og Sølvi Vatnhamar, og fremsti maður verður Petur Knudsen.
Á bonkinum eru Mattias Lamhauge, Bárður á Reynatrøð, Hanus Sørensen, Sonni Ragnar Nattestad, Hørður Askham, Rógvi Baldvinsson, Andrass Johansen, Magnus Egilsson, Stefan Radosavljevic, Klæmint Olsen, Hannes Agnarsson og Jóan Símun Edmundsson.
