Tað var ein sera góð løta niðri á havnalagnum í St. Peter Port á Guernsey í dag, tá Oyggjaleikirnir 2023 vórðu settir.
Rættiliga nógv fólk var komið saman til setanina og í ár eru tað 24 oyggjar, sum skulu kappast í 14 ítróttargreinum. Føroyar eru við í 11 ymiskum kappingum og verður fyrsta kappingin sunnudagin 9. juli.
Tá føroysku íðkarirnir høvdu gingið inn, fingu vit prát við 3 av teimum.
