Boð hava verið eftir Mohamed Salah í Saudi Arabia. Hesuferð er talan um felagið hjá Karim Benzema, Al-Ittihad.
Al-Ittihad eru sinnaðir at bjóða Salah ein sáttmála á kr. 1,3 milliardir, sambært leysasøgum.
Leikaraumboðsmaðurin Ramy Abbas hevur gjørt greitt á X (Twitter), at áleyparin verður verandi í Liverpool. Hann sigur, at um Salah var sinnaður at fara, so hevði hann ikki endurnýggja sáttmálan.
Í fjør skrivaði Salah ein nýggjan sáttmála við Liverpool, sum er galdandi til summari 2025.
Mohamed Salah hevur leikt 305 dystir fyri felagið á Merseyside og hevur skorað 186 mál. Hann er tann triðmest skorandi leikarin í Liverpool og er javnur við Steven Gerrard.