Norska drotning Sonja er á óalmennari vitjan í Føroyum við kongsskipinum “Norge”.
Skipið legði at á Bursatanga fyrrapartin í gjár, men liggur nú yviri í Skansabryggjuna
“Norge” kom til Føroya úr Hetlandi, har steðgað varð í ein dag ella so.
– Sonja drotning vitjaði eisini her í 2014 og hevur síðani havt hug at komið aftur, sigur norski konsulin í Føroyum, Petur Even Djurhuus, við Kringvarpið.
Hóast talan er um óalmenna vitjan, so hevði drotningin stundir til ein millummála saman við millum annað løgmanni, Aksel V. Johannesen, og borgarstjóranum í Havn, Heðin Mortensen.
Ferðalagið við Sonju drotning og gestum ætla sær at vitja kring oyggjarnar komandi dagarnar.
Norska kongsskipið fer avstað aftur til Noregs hósdagin.
