Talið av terrorhóttanum í Svøríki er voksið og avleiðingarnar fylgja nú gamla Champions League mótstøðuliðnum hjá KÍ, BK Häcken.
Svensku meistaranir hava framt broytingar í teirra tænastu- og trygdararbeiði á Bravida Arena, ið er heimavøllur felagsins.
Fótbóltsfelagið arbeiðir fyri, at tryggja góðar karmar og upplivingar hjá áskoðarafjøldini í torførum tíðum.
– BK Häcken vil økja um eftirlitið við allar inndyrar. Hetta við, at hækka úrvalstreytir hjá øllum vitjandi.
– Fyri at hetta ikki skal ávirka bíðirøðirnar við leikvøllin, opnar Bravida Arena 75 minuttir undan dystarbyrjan tá mennirnar leika. Vit mæla øllum til at møta í góðari tíð, skrivar felagið á heimasíðu sínari.
BK Häcken hevur valt slíkar loysnir, við vón um betra upplivingarnar á Bravida Arena, hetta við at økja um tænastu- og trygdarviðurskifti.
Neyðtørviligt í slíkum tíðum
Feløgini í Allsvenska og Superettan hava fingið eina røð av viðmælingum frá fótbóltssambandinum, orsakað av núverandi støðuni í landinum.
– Einstaka felagið hevur ábyrgd og skyldu til at verka. Í samstarvi við myndugleikunum, koma øll feløg at taka avgerðir og gera neyðugar broytingar, ið eru viðkomandi fyri teirra tiltøk.
– Hetta er neyðugt í hesum tíðum í Svøríki, sigur Per Eliasen, formaður í dystarnevndini hjá fótbóltssambandinum við Fotbollskanalen.
Svøríki hevur økt um trygdarstøði í landinum seinastu tíðina.
Hetta er partvís orsakað av, at Svøríki verður tulkað sum ein “Islamsk-fígginda” tjóð, eftir eina røð av koran-avbrenningum, hevur svenska trygdareftirlitið fyrr úttalað.