(Dagført klokkan 17:48)
– Meira fyri minni, segði landsstýrismaðurin í samferðslumálum, tá hann legði fram ætlanirnar um nýggju prísskipanina hjá Strandferðsluni, sum eftir ætlan skal koma í gildi eftir ársskiftið.
Hetta uppskotið møtir nú so stóra mótstøðu, at tað nú er ein ítøkilig ætlan, sum FM1 skilir á lagnum, frá Karlot Hergeirsson úr Framsókn, at leggja eitt uppskot fram um misálit á Dennis Holm, landsstýrismann í samferðslumálum.
Karlot Hergeirsson er sera misnøgdur um, at hendan ætlanin verður sett í verk, uttan at hetta hevur verið viðgjørt í samgonguni.
FM1 skilir á lagnum, at formenninir og forkvinnan í samgonguflokkunum nú er samlað til ein kreppufund júst í hesi løtu.
Tingfundurin er nú liðugur, men har varð einki misálit lagt fram í dag.
Næsti tingfundur er ikki á skránni fyrr enn týsdagin 17. oktober, so tað kann nógv henda inntil tá.