Hósdagin klokkan 14 og klokkan 14.20 vera tær fyrstu Firmakappingarnar á FM1. Klokkan 14 kappast grannarnir á Hoyvíksvegnum í Havn, Posta og PM. Klokkan 14.20 kappast Sjónám í Klaksvík og TAKS.
Liðini fáa fimm spurningar í part. Møguligt er at vinna tilsamans 15 stig í teimum fimm spurningunum. Talan verður um tríggjar aktuellar spurningar í part frá heimasíðuni hjá FM1, fm1.fo. Og so verður talan um tveir ljóðspurningar í part. Ljóðspurningarnir vera úr savninum hjá FM1. Verður svarað rætt áðrenn 15 sekund eru farin fær liðið TRÝ stig, verður svarað rætt tá millum 16 og 30 sekund eru farin fær liðið TVEY STIG. Svarar liðið rætt tá millum 30 og 45 sekund eru farin fær liðið EITT STIG. Fara 45 sekund fæst sjálvandi einki stig. LIÐSKIPARIN svarar altíð við at siga: “SVARIÐ ER”, og so kemur svarið”. Vit steðga “klokkuni” tá liðskiparin sigur: ”Svarið er”. Stendur á jøvnum millum liðini aftaná fimm spurningar spæla vit eitt stutt lag, og so skulu liðskipararnir hvør sær svara uppá ein tal-spurning. Tann sum kemur nærmast rætta talinum vinnur kappingina.
Heri Simonsen leggur spurnarkappingina til rættis, og hann fer hendan veturin saman við Óla G. Samuelsen og onkuntíð Petur Zachariassen at standa fyri at vera ávikavist vertur og dómari.
