Íblásturin til serliga heiðurin er komin frá teimum, sum hava framt bragdið at renna tær seks altjóða marathon-kappingarnar í World Marathon Majors.
Tær fimm kappingarnar eru:
- Nýggjárshálvmarathon í Eysturoy í januar
- FM í Hálvmarathon í Klaksvík í mai
- Tórshavn Marathon Hálvmarathon í juni
- Føroya Sunnasta Hálvmarathon í Suðuroy í juli
- Føroya Vakrasta Hálvmarathon í Vágum í september
Treytirnar fyri at fáa serliga heiðursmerkið eru sera einfaldar – at luttakarin hevur luttikið og er komin á mál í øllum fimm hálvmaratontiltøkunum í 2024. Heiðursmerkini verða latin eftir Føroya Vakrasta Hálvmarathon vesturi í Vágum.
Talan er sostatt ikki um eina kapping, men ein serligan heiður, sum verður sýndur øllum, sum megna at luttaka í øllum fimm siðbundnu hálvmarathon-kappingunum í Føroyum í 2024
Fyrsta kappingin er longu tann 6. januar, tá Nýggjárshálvmarathon verður runnið av Skála og út á Toftir.
Tilmeldingin til ta kappingini er longu tøk á tilmeldingarsíðuni her.
Kelda: athletics.fo