Fyrr í summar varð kunngjørt, at Føroyar verða vertur fyri Oyggjaleikunum 2031.
Men í dag kunnger ÍSF, at Oyggjaleikirnir, sum skuldu vera í Føroyum í 2031, verða framskundaðir til 2027.
Orsøkin er, at walisiska oyggin Ynys Mon (Anglesey) ikki sær seg ført fyri at hýsa Oyggjaleikunum í 2027.
– Oyggjaleikirnir í 1989 vóru ein stór hending fyri føroyskan ítrótt og fyri føroyska samfelagið í síni heild. Eingin ivi er um, at Oyggjaleikirnir í 2027 aftur verða ein stór hending fyri føroyskan ítrótt og Føroyar, sigur Elin Heðinsdóttir Joensen, forseti í ÍSF.