Tað er hált og glerstoytt um alt landið.
Landsverk sigur, at tað er jarðrok á Sandoynni, í Suðri og vestanfyri á Velbastaðvegnum í løtuni, og mælt verður til at koyra varliga.
Í løtuni er vegurin til Famjins stongdur, tí ein maskina hjá Landsverki er steðgað upp, sum skuldi rudda vegin fyri kava.
Tey vita ikki, hvat feilar maskinuni ella nær vegurin verður opin aftur fyri ferðslu.
