– Enn ein norsk greipa fer at standa á odda fyri besta liðnum hjá KÍ í 2024 og 25. Avtala er gjørd við norðmannin Espen Haug um at vera hjálparvenjari hjá Haakon Lunov.
Tað skriva KÍ á heimasíðu sínari.
48 ára gamli Espen Haug hevur verið venjari hjá Gjøvik-Lyn í seks ár, men hevur gjørt av at taka við nýggjum avbjóðingum í KÍ.
Espen Haug er best kendur í Norra sum miðvallari hjá Raufoss, har hann eisini hevur verið. Í 2018 fór hann til Gjøvik-Lyn, har hann hevur verið inntil nú.
– KÍ fegnast stórliga um nýggja hjálparvenjaran, sum kemur til landið í morgin, og harvið er greitt, at hann er við á venjingarleguni í Portugal í næstu viku, skrivar felagið.
Sáttmálin við Espen Haug er galdandi kappingarárini 2024 og 2025.