– Ferðafólk, ið vóru við Ternuni klokkan 10:30 úr Nólsoy, tá ið hon rendi á Eystaru bryggju í Havn, kunnu venda sær til Strandferðsluna á telefon 34 30 30, um tørvur er á at tosa við sálarfrøðing um hendingina.
Soleiðis skrivar Strandferðslan á heimasíðu sínari í samband við, at Ternan rendi á bryggjuna í Havn, tá Ternan kom úr Nólsoy fyrrapartin.
Málið hevur verið kannað, og Ternan byrjaði aftur í sigling nú seinnapartin, tá hon fór av Havnini klokkan 15, og úr Nólsoy klokkan 15:25.
– Síðan verður siglt sambært ferðaætlanini tað, ið eftir er av degnum, sigur Strandferðslan.
Landgongin á farstøðini í Havnini fekk skaða av stoytinum, og er í løtuni óvirkin, tí heitir Strandferðslan á ferðafólk at ferðast eftir bildekkinum, tá farið verður í land ella umborð á Smyril.