Borgarafundurin, sum skuldi vera tann 30. januar, men bleiv útsettur, verður í kvøld, 6. mars klokkan 18.
Tað skrivar Sunda kommuna.
Tað er Landsverk, ið bjóðar íbúgvunum í Tjørnuvík til ein kunnandi fund viðvíkjandi fyrireikingunum at gera ein tunnil til bygdina.
Umboð fyri Landsverk kunna um verkætlanina, meðan Dennis Holm, landsstýrismaður í fiskivinnu- og samferðslumálum og Jógvan Kruse, borgarstjóri í Sunda kommunu, luttaka eisini á fundinum.
Fólk fáa eisini høvi at spyrja um verkætlanina.
Løgtingslimur vil vita nær fyrsta skotið verður latið av
Jóhannis Joensen, tingfólk fyri Javnaðarflokkin, hevur sett landsstýrismanninum í samferðslumálum, Dennisi Holm, ein grein 52a fyrispurning um tunlar og Tjørnuvíkartunnilin.
Spurningarnir eru soljóðandi:
1. Hvussu gongur við arbeiðinum við Dalstunlinum?
2. Heldur tíðarætlanin?
3. Nær verður dalstunnilsprojektið við tilhoyrandi vegum liðugt?
4. Nær verður fyrsta skotið til tunnilin til Tjørnuvíkar skotið?
Í viðmerkingunum til spurningarnar vísir tingmaðurin á, at tunnilstoymið hjá Landsverki skal til Tjørnuvíkar, tá dalstunnilsprojektið er liðugt.
