Mánakvøldið 11. mars varð boðað frá innbrotið á Námsvísindadeildini á Fróðskaparsetrinum, ið heldur til á Frælsinum í Havn.
Løgreglan kannaði málið mánadagin og týsdagin, og hevur í hesum sambandi skuldsett fimm ungar dreingir fyri hetta innbrotið, har eisini nakað av herverki er framt.
Tað var upptøkur frá vakmyndatólum, sum eyðmerkti dreingirnar.
Vaktleiðarin hjá Føroya Politi sigur í morgun, at tað vísti seg, at allir dreingirnir eru undir 15 ár, og sostatt eru teir undir revsingaraldur.
Tosað hevur verið við dreingirnar, og aðrir myndugleikar kunnu koma upp á tal, men Føroya Politi sigur, at málið er avgreitt frá teirra síðu.