Hagtøl frá Hagstovu Føroya vísa, at 25 prosent av øllum andlátum í Føroyum í 2020 vóru orsakað av krabbameini, og harav var lungnakrabbi tað slagið av krabba, sum flest doyðu av.
Í master-ritgerð, ið Annika Haraldsen Lindenskov og Halla Potts hava skrivað, var endamálið at kanna møguligar orsøkir til kynsmunin í yvirlivilsi fyri føroyskir lungnakrabbasjúklingar í tíðarskeiðnum frá 2015-2020, har tað tekur longri tíð hjá føroyskum monnum at fáa staðfest lungnakrabba og fara í viðgerð, í mun til kvinnur.
– Vit vita ikki, hví tað er so, men hetta eiga vit at kanna nærri, sigur Pál Weihe, yvirlækni og professari.
Hoyr samrøðu her: