– Framleiðslan í Vági heldur fram sum áður við sama stjóra og fer framhaldandi at virka sum sjálvstøðugt felag
Tað skrivar danska felagið Thyboron Trawldoors, nú felagið hevur keypt Rock Trawldoors í Vági.
Lemmavirkið Rock Trawldoors heldur fram við somu leiðslu og starvsfólkum, har Petur Kjærbæk er stjóri og Samal Trolle er framleiðsluleiðari.
– Vit í Thyboron Trawldoors eru sera errin um, at partaeigararnir hava álit á okkum, at vit fara at halda fram við 20 ára royndunum hjá Rock Trawldoors í sama anda, og vit eru spent upp á framtíðina, skrivar felagið, ið nú eigur lemmavirkið í Vági.
Felagið sigur, at málið verður at menna framleiðsluna í Føroyum enn meira, og at tryggja lokala framleiðslu av góðari góðsku í Føroyum.
Rock Trawldoors byrjaði sítt virksemið í 2004.
17 fólk arbeiða á lemmavirkinum í Vági.