Í kvøld, mikukvøldið klokkan 19, spælir føroyska manslandsliðið í hondbólti fyrra HM Play Off dystin móti Norðurmakedonia í høllini á Hálsi í Havn.
Í sendingini, Á Sýnini, hoyrdu vit tað seinasta úr landsliðsleguni undan landsdystinum í kvøld, tá ið prátað varð við hjálparvenjaran hjá føroyska hondbóltslandsliðnum, Julian Johansen.
Samrøðan kann hoyrast her:
Dysturin í kvøld er fyrri dysturin millum londini, og returdysturin verður spældur í Skopje sunnukvøldið klokkan 18.
Samlaði vinnarin av hesum dystunum vinnur seg víðari til HM-endaspælið í Noregi, Danmark og Kroatia, ið verður hildið í januar komandi ár.
Sjúrður H. Hoydal sigur beinleiðis frá dystinum, og Andrias Eriksen verður viðmerkjari.
Sendingin á FM1 byrjar klokkan 18.10.
