MRCC fekk fyri løtu síðan eini boð frá einum útróðrarbáti, at báturin var farin at leka og hevði tørv á hjálp. Ein maður er við útróðrarbátinum.
Tað skrivar jn.fo.
MRCC hevur sent boð eftir tyrluni og Aron, sum er gamli Ziska í Klaksvík.
Jn.fo skrivar, at tyrlan og Aron eru nú hjá bátinum, sum er staddur eystanfyri, har maskinrúmið er fult í sjógvi, men tá bæði tyrlan og bjargingarbátur nú eru komin á staðið, so verður roknað við, at einsamalli maðurin verður bjargaður.
Veðrið er hampiligt á leiðini.
