Skála hevur í ljósinum av Champions League finaluni flutt dystin móti ÍF frá klokkan 19 til klokkan 17 leygardagin 1. juni.
Dysturin millum B68 og EB/Streymur er longu ásettur av byrja klokkan 17 leygardagin, so nú verða báðir dystirnir leygardagin klokkan 17.
Hetta eru rættiliga spennandi dystir, tá tað kemur til botnstríðið í Betri Deildini, tí hetta eru liðini í botn-4, sum møtast leygardagin.
Skála hevur tíggju stig, EB/Streymur hevur sjey stig, meðan B68 og ÍF hava trý stig hvør.
Champions League finalan, sum í ár er millum Borussia Dortmund og Real Madrid, byrjar klokkan 20. Finalan verður spæld á Wembley í Onglandi.
