– Drápið gekk hampiliga gott. Partur av grindini gjørdi landgongd, meðan restin mátti hálast inn, sigur grindaformaðurin í Hvannasundi, Elmar Simonsen, við Kringvarpið.
Grindin taldi umleið 230 hval, upplýsir grindaformaðurin.
Tað vóru ikki nóg nógv fólk á sandinum, so teir máttu bíða eina løtu, áðrenn meira fólk komu til, so grindin kundi haldast til.
Í morgun var grindaøki lýst í Hvannasundi, har grindin skuldi haldast til, so óviðkomandi fólk hildu seg burtur frá økinum.
Grindaformaðurin upplýsir, at tað vóru nøkur fólk frá djóraverndarfelagsskapum.
– Løgreglan tók sær av onkrum av djóraverndarfólkunum, sum vóru møtt upp, sigur grindaformaðurin í Hvannasundi, Elmar Simonsen, við Kringvarpið.
