Í døgunum 8. til 14. juli, verða Oyggjaleikir á Guernsey, sum er bretsk oyggj og næst størsta oyggin í Ermasundi.
Íbúgvaratalið á oynni er umleið 70.000 og er oyggin á stødd við Sandoynna.
Tað verða áleið 184 fólk, sum fara úr Føroyum til leikirnar harav 155 av teimum eru beinleiðis knýtt at leikunum. Restin er miðlafólk, umboð fyri ÍSF og innboðin.
Leikirnir verða settir leygardagin 8. juli kl. 19.00 á havnalagnum í St. Peter Port.
FM1 er við til leikirnar og koma vit at hava beinleiðis frásagnir, prát, upptaktir umframt at vit taka myndir, sum koma á heimasíðuna og vit fara at skriva.
Fylgið við á FM1 og á www.fm1.fo
