Eftir næstan 50 ár á baki, so fór tann síðsti Ford Fiesta-bilurin rullandi eftir flutningsbandinum fríggjadagin í síðstu viku.
Tað skrivar BBC.
Hetta var í Ford-verksmiðjuni í Köln í Týsklandi.
Verksmiðjan skal, eftir nakrar justeringar, framyvir framleiða elbilar hjá Ford.
Framleitt meira enn 22 milliónir
Ford Fiesta-bilurin er ikoniskur, og er kendur fyri vera ein góður og bíligur bilur til miðalklassan.
Fiesta-bilurin kom á bilmarknaðin í Evropa beint eftir oljukreppuna í 1973, og fólk tóku hendan bilin til sín beinavegin.
Ford vil vera við, at tað eru framleiddir meira enn 22 eintøk av Fiesta-bilinum kring heimin, men í oktober í fjør kunngjørdi amerikanski bilframleiðarin, at framleiðslan av Fiesta-bilinum fór at halda uppat í ár, og í síðstu viku fór so tann seinasti Ford Fiesta-bilurin rullandi eftir framleiðslubandinum í verksmiðjuni í Týsklandi.
Soleiðis hevur Fiesta-bilurin sæð út gjøgnum tíðirnar.
Soleiðis sá hann út fram til 1983:
Frá 1983-1989 sá hann soleiðis út:
Frá 1989 til 1997 sá Fiesta-bilurin soleiðis út:
Í 1995 kom eitt nýtt snið av Ford-bilinum, ið varð framleiddur fram til 2002:
Frá 2002 til 2008 soleiðis:
Frá 2008 til 2019:
Í 2017 kom seinasta sniðið av Fiesta bilinum, har tann seinasti fór av framleiðsubandinum í Köln í Týsklandi fríggjadagin í síðstu viku:
Kelda: Ritzau
