Eldur var settur í skrivstovuhølini hjá donsku flóttafólkahjálpini, í býnum Basra, Irak. Hetta upplýsir felagsskapurin fyri donskum miðlum. – Vit kunnu vátta, at okkara skrivstovuhølir í Basra, eru álopin av vápnaðum mótmælisfólki. Hetta var tíðliga í morgun.
Ongin er komin til skaða, lukkutíð. Danska flóttafólkahjálpin skilur ikki, at neyðhjálpararbeiði skal vera ein skotskiva í samanbrestum. Við miðlarnar í Danmark sigur felagsskapurin víðari:
– Dansk Flygtningehjælp hevur verið til staðar í Irak í meir enn 20 ár. Hesi árini hava vit veitt hjálp til fleiri samfelag, ið eru hart rakt av politiskum samanbrestum. Herundir eisini minuruddingum í øllum Basra.
Tað hevur enn ikki eydnast nøkur miðili at fáa fleiri viðmerkingar. Felagsskapurin váttar tó, at tey á ongan hátt stuðla teimum, ið søkja sær skjól við haturs- og harðskapsfullum atburði, við at niðurgera onnur.
Tað er ikki heilt vist, um álopini í Basra hava nakað at gera við mótmælini hjá Irak at gera, har tey hava koldømt brenningum av Koranini í Danmark og Svøríki. Svenska sendistovan í Bagdad varð hósdagin álopin og eldásett. Sama kvøld royndu yvirgangsfelagsskapir at storma økið í Bagdad, nærhendes donsku sendistovuni.
