Eftir eina væl eydnaða premieru av leikinum ONKI leygardagin 12. august, so noyðist Tjópallurin nú tíverri at útseta restina av sýningunum.
Annar av leikarunum, Elias Magnussen, hevur fingið bruna í fótin og fær tí fyribils ikki spælt fysiskt krevjandi leiklutin sum Pierre Anthon, skrivar Tjóðpallurin í tíðindaskrivi.
Sostatt vera ikki fleiri sýningar av ONKI fyrr enn í fyrsta lagið november. Tá vera bæði almennar sýningar og skúlasýningar. Atgongumerki vera sett til sølu ein av komandi døgunum.
Meðan bíða verður eftir fleiri sýningum av ONKI, so verður í næstum farið undir venjingar av leikinum “Føðingardagsveitslan” eftir Harold Pinter, ið verður frumsýndur síðst í september, skrivar Tjóðpallurin.